Tap á Skaganum staðreynd - Vafasama vítaspyrnu þurfti til
skrifað 19-03-2010 (0 athugasemdir)
Valur Ingi Johansen skrifar
Fylkir og ÍA áttust við í Lengjubikarnum upp á skaga í gær, þar sem heimamenn fóru með sigur af hólmi 2-1. Fannar Freyr Gíslason kom skagamönnum yfir, en Tommi jafnaði fyrir okkur með þrumuskoti niður í bláhornið og þannig var staðan í hálfleik. Það þurfti svo vafasama vítaspyrna á 90 mín til að heimamenn næðu að tryggja sigurinn, en þar var að verki Ragnar Leósson sem skoraði úr spyrnunni af miklu öryggi. Ég get ekki annað en skrifað smá um dómara leiksins, án þess þó að taka nokkuð af skagamönnum sem mér finnst flott lið og ég vona að þeir komist upp í sumar.
Ég set spurningamerki við Kristinn Jakobsson dómara leiksins, því mér finnst hann mjög oft taka vafasama ákvörðun sem kostar okkur mark, þegar hann hefur dæmt hjá okkur undanfarin ár. Hann dæmdi leikinn í gær frábærlega, en klúðraði öllum þeim "frábærleika" með því að skemma heilan fótboltaleik með einni ákvörðun á síðustu mínútunni. Þannig finnst mér Kristinn oft vera, dæmir alltaf vel, en er alltof gjarn á þessar ákvarðanir sem kosta mörk, því miður.
Byrjunarlið Fylkis : Fjalar- Addi Stjáni Einar Tommi - Geiri Valur Ingimundur - Ásgeir Örn Alli Jói
Nánari umfjöllun væntanleg
