Umgengnisreglur á Fylkisvelli
Aðgangur
Einungis þeir aðilar sem hafa gilda miða eða aðgönguskírteini fá aðgang að leikjum á Fylkisvelli.
Hegðun
- Öll meðferð áfengis sem og annarra vímuefna er bönnuð.
- Reykingar eru bannaðar.
- Sýna ber öðrum áhorfendum fyllstu tillitssemi.
- Stranglega bannað er að hlaupa inn á völlinn, fyrir leik, á meðan á leik stendur og eftir leik.
- Stranglega bannað er að kasta hlutum inn á völlinn.
- Áhorfendum ber að virða almennt velsæmi í orðum og gjörðum. Niðrandi ummæli eða gróft og særandi orðbragð á hvorki heima á Fylkisvelli, né annars staðar.
- Orð eða gjörðir sem lýsa andúð eða fyrirlitningu vegna kynþáttar, þjóðernis, litarháttar, kyns, trúar eða kynhneigðar flokkast sem gróf og særandi hegðun.
- Þeir sem verða fyrir barðinu á öðrum eru vinsamlegast beðnir um að tilkynna það öryggisvörðum og/eða vallarstjóra.
Eftirfarandi hlutir eru bannaðir á Fylkisvelli:
- Glerflöskur, glös og áldósir
- Blys og flugeldar
- Hnífar, eggjárn og aðrir þeir hlutir sem valdið geta skaða
Áhættumat leikvangs
Skapist hættuástand á leikvellinum er áhorfendum skylt að fara eftir ábendingum vallaryfirvalda og lögreglu í einu og öllu.
Þeir sem brjóta gegn reglum þessum eiga það á hættu að verða vísað af vallarsvæðinu og/eða kærðir til lögreglu þar sem við á.
