Fylkir - Fjölnir 1-2
skrifað 15-11-2011 (0 athugasemdir)
Kristján Gylfi Guðmundsson skrifar
Fylkir og Fjölnir áttust við í kvöld í æfingaleik í Egilshöll. Fjölnismenn sigruðu með tveimur mörkum gegn einu og var það Rúrik Andri Þorfinsson sem skoraði mark okkar manna.
Fjölmargir ungir drengir fengu að spreyta sig í leiknum, enda vantaði fjölmarga leikmenn en þó aðallega varnarmenn. Alls tóku 23 leikmenn þátt í leiknum hjá Fylki. Fjölnismenn voru mun sprækari í upphafi leiks og komust verðskuldað yfir og leiddu í hálfleik. Rúrik jafnaði síðan metin í upphafi síðari hálfleiks. Emil Ásmundsson átti síðan frábæra aukaspyrnu í slá og Fjölnismenn fengu einnig sín færi. Þeim tókst síðan að skora sigurmarkið þegar skammt var til leiksloka.
Það er að sjálfsögðu hvorki ekki hægt að dæma liðið eða einstaka leikmenn útfrá þessum leik. Það er þó mikilvægt að fá að sprikla aðeins og skemmtilegt fyrir strákana að fá að spila leiki. Fleiri leikir eru væntanlegir á næstunni eins og kemur fram í viðtali við Ásmund Arnarsson sem dettur hér inn bráðlega. Einnig var rætt við Ásgeir Börk sem er búinn að skrifa undir nýjan tveggja ára samning við félagið.
Lið Fylkis í fyrri hálfleik: Bjarni Þórður, Trausti, Ari Páll, Davíð, Ásgeir Örn - Ásgeir Börkur, Árni Freyr, Magnús Þórir - Ingimundur, Björgólfur, Jói Þórhalls
Lið Fylkis í seinni hálfleik: Ísak Björgvin - Egill Trausti, Elís, Björn Orri (Sigurður Helgi), Benedikt Óli - Emil, Styrmir, Andri Már - Hermann, Rúrik, Jóhann Andri.
