Gylfi Einarsson endaði á slysó: Þetta var nasty
skrifað 18-07-2011 (0 athugasemdir)
,,Þetta var svolítið nasty," sagði Gylfi Einarsson leikmaður Fylkis í samtali við Fótbolta.net vegna meiðsla sem hann varð fyrir á ökkla sínum gegn FH í gær.
Gylfi fór útaf vegna meiðsla í fyrri hálfleik gegn FH í gær.
,,Það þurfti að sauma sjö spor í ökklann á mér, ég fattaði þetta ekki fyrr en vel á eftir. Ég fór samt útaf því ég var slæmur í mjöðminni."
,,Í öðru markinu hjá þeim lent Freyr (Bjarnason) ofan á ökklanum með takkana og það kom nasty skurður. Þetta plagaði mig aðeins en ég vissi ekki að þetta væri svona slæmt fyrr en ég kom inn í hálfleik."
Kallað var á lækni í hátalarakerfi vallarins en ekki voru nægilega góðar græjur til að gera að sárum Gylfa og því fór hann upp á sjúkrahús.
,,Það var kallað á lækni en svo voru græjurnar ekki nægilega góðar þannig að ég þurfi að fara upp á slysó og láta sauma mig þar," sagði Gylfi sem mun missa af leik Fylkis gegn Grindavík um næstu helgi.
,,Ég verð eitthvað frá, þetta er á svakalega slæmum stað. Þetta verður samt vonandi stutt, ég hugsa að saumarnir verði teknir út eftir viku og þá getur maður vonandi farið að hlaupa eitthvað," sagði Gylfi að lokum.
Tekið af fótbolta.net
